അനുതാപമോടെ

അനുതപിച്ചനുതപിച്ചകതാരു ഞാൻ
ആത്‌മാവിൻ നാഥനായ് ഒരുക്കിവച്ചു
അറിയാതെ ചെയ്തോരപരാധമെല്ലാം
അനുതാപമോടെ കഴുകി അകറ്റി

അലിവാർന്ന സ്നേഹത്തിൻ പരിമളം തൂകി
അകതാരിലെന്നേശൂ അണയേണമേ
അനുഗ്രഹപ്പൂമഴ വർഷിച്ചു നാഥാ
അപ്പമായെന്നിൽ അണയേണമേ

ഇനിമേലിലെൻമനം തിരിയില്ല തെല്ലും
ഇരുളാർന്ന ലോകത്തിൽ വഴിത്താരയിൽ
ഇനിമേലിലെന്നേശുവെ വെടിയില്ല നിൻ സ്നേഹം
ഇനിയെന്നുമേശു എൻ ഹൃദയത്തിലരുളും

എനിക്കായി ബലിയായി കാൽവരിയിലന്ന്
എന്നേശു സ്നേഹത്തിൻ പരിഹാരമായി
യേശുവൊത്താണിനി എന്നുമെൻ ജീവിതം
യേശുവില്ലാത്തൊരു ജീവിതമില്ലിനി

-അലക്സ് നമ്പ്യാപറമ്പിൽ

Credits: Photo by geralt from pixabay.com