വിജയകാഹളം

പ്രസിദ്ധമായ ഭാരതം പ്രശാന്തമായ ഭാരതം
സംസ്കാരനിറവിലന്നു പേരുകേട്ട ഭാരതം
ഒരിക്കലെത്തി ഇന്ത്യയിൽ ബ്രിട്ടീഷുകാരും അന്യരും
ഭരിച്ചിടാൻ ശ്രമിച്ചുവന്നു കയ്യടക്കി ഭാരതം

പരസ്പരം പലപ്പൊഴും വളർത്തി സ്പർദ്ധ ശത്രുത
മുതലെടുത്തു ശത്രു തന്ടെ വിളവെടുത്തു നിത്യവും
മറികടന്നു കളവിനായ് കടന്നുവന്നു വൈരികൾ
കവർന്നെടുത്തു ഭാരതത്തിൻ മൂല്യസമ്പത്തൊക്കെയും

നാട്ടുരാജ്യമൊക്കെയും തളർന്നുവീണു ശത്രുതൻ
നാട്യഭരണക്കുഴികളിൽ വീണുപോയ് ഭാരതം
ബലംപിടിച്ചു നമ്മളെ കൊന്നൊടുക്കി ഹീനമായ്
ബലത്തിലും കരുത്തിലും മെരുക്കിസ്വർഗഭൂമിയെ

പരസ്പരം കൈകൾകോർത്ത് വൈരിയെ തുരത്തുവാൻ
മരണമാണ് ഭേദമെന്നുറച് പൊരുതിയത്രയും
കരുത്തു നേടി ശത്രുവെ തുരത്തുവാൻ ശ്രമിക്കവേ
അണിനിരന്നു ഭാരതം ഗാന്ധി തന്ടെ കീഴിലായ്

അഹിംസയെന്നൊരായുധം തൊടുത്തുവിട്ടു ഗാന്ധിജി
പടികടത്തി വൈരിയെ സ്വാതന്ത്രയാക്കി ഇന്ത്യയെ
ഒരിറ്റു നിണവുമിങ് ചിന്തിടാതെ ഭാരതം
ഒടുവിൽ നേടി വിജയവും നിത്യസ്വാതന്ത്ര്യവും

ജയിച്ചുനേടി നമ്മൾ ഐക്യവും കരുത്തുമായ്
ജഗത്തിനിന്നു മാതൃക ജഗത്തിലേക ഭാരതം
വിജയകാഹളം മുഴക്കി വിജയപാതയിൽ
വിജയവർണ്ണ കൊടിപിടിച്ചു വിശ്വമേ ഭരിക്കുവാൻ

-അലക്സ് നമ്പ്യാപറമ്പിൽ

Credits: Photo by Still Pixels from Pexels